Sogn Sparebank er ein sjølvstendig sparebank med røter i Sogn og eigenkapitalbevis noterte på Oslo Børs. Vi har kontor i Aurland, Lærdal, Vik, Sogndal, Årdal og Bergen og er ein del av Eika Alliansen. Vi jobbar tett på kundane og det lokale næringslivet. Gjennom gåvemidlar og sponsing støttar vi lag, organisasjonar og aktivitetar som bidreg til levande lokalsamfunn. Hos oss får du vere med på å utvikle både banken og regionen vi er ein del av.
Sogn Sparebank eig fleire næringseigedomar i Sogn, og vi søkjer ein praktisk, strukturert og forretningsorientert person som vil ta ansvar for drift, forvaltning og vidare utvikling av eigedomane våre.
Du får stor fridom til å skape struktur i eigedomsforvaltninga, følgje opp praktiske og tekniske oppgåver og bidra til god økonomi og langsiktige verdiar. Porteføljen omfattar banklokale, kontorbygg og andre næringsareal.
Ansvarsområder:
Sikre god dagleg drift og forvaltning av eigedomane.
Sjå moglegheiter for nye leigetakarar, betre utnytting og nye inntekter.
Kontakt med leigetakarar, handverkarar, leverandørar og samarbeidspartnarar.
Oppfølging og kontroll av leigeavtalar, budsjett, kostnader og lønsemd.
Vurdering av investeringar.
Etablere gode system, rutinar og avtalar for drift og leverandøroppfølging.
Ansvar for HMS
Forvaltning av bilparken, med oppfølging av service, vedlikehald, avtalar og kostnader.
Arbeide tett med leiinga og vere til stades ved eigedomane rundt om i Sogn.
Kven ser vi etter?
Vi ser etter deg som har:
god praktisk og teknisk forståing
økonomisk forståing og forretningssans
kremmarånd og evne til å sjå moglegheiter
stor gjennomføringsevne og arbeider sjølvstendig
gode samarbeidsevner og trivst med menneske
evne til å byggje gode relasjonar
Relevant utdanning innan bygg, tekniske fag, eigedom eller økonomi er ein fordel, men ikkje eit krav. Relevant realkompetanse og erfaring vert vurdert på lik linje med formell utdanning.
Vi er meir opptekne av kva du kan, kva du har fått til og korleis du løyser utfordringar, enn kva utdanningstittel du har.
Vi tilbyr
Hos Sogn Sparebank får du ei sjølvstendig og viktig rolle med stor påverknad på korleis eigedomane skal driftast og utviklast. Du samarbeider tett med leiinga og får korte avgjerdsvegar. Vi tilbyr konkurransedyktige vilkår.
Arbeidsstad: Arbeidstaden er Sogn. Reising mellom eigedomane må påreknast.